Hipercolesterolemia (Colesterol elevado)

O colesterol é un tipo de graxa producida polo fígado necesario para regular unha serie de funcións orgánicas. No organismo, o colesterol transpórtase unido a unhas sustancias chamadas lipoproteínas. Si o colesterol que circula polo sangue está elevado (por encima de 200 miligramos por decilitros) o diagnóstico é hipercolesterolemia, que pode ter orixe hereditaria (estas persoas poden presentar colesterol elevado en idades moi temperás), e o seu desenvolvemento tamén pode estar favorecido por unha alimentación pouco saudable ou demasiado calórica que conduce a sobrepeso ou obesidade. Unha dieta rica en graxa saturada pode favorecer a aparición e desenvolvemento de hipercolesterolemia, pola capacidade que ten este tipo de graxa de elevar os niveis de colesterol en sangue.

Pola acción do osíxeno que circula polo sangue as lipoproteínas se oxidan e tenden a acumular o colesterol que transportan ao redor da arteria dificultando o paso do sangue a través delas, e aumentando así o risco de arteriosclerosis e infartos de corazón.