Los problemas de salud uno a uno:
Hiperkolesterolemia (kolesterol altua)
Sarrera
Kolesterola gibelak sortzen duen gantz mota bat da, eta beharrezkoa da zenbait funtzio organiko erregulatzeko. Organismoan, kolesterola lipoproteina izeneko substantzia batzuekin batera garraiatzen da. Odolean zirkulatzen duen kolesterola handia bada (200 miligramo dezilitro bakoitzeko), hiperkolesterolemia izaten da diagnostikoa, eta horrek ondoretasunezko jatorria izan dezake (pertsona horiek kolesterol altua izan dezakete oso adin goiztiarretan), eta, gainera, baliteke osasungarria ez den elikadura batek edo kaloria gehiegi hartzeak mesede egitea, gehiegizko pisua edo obesitatea eragin baitezake. Gantz saturatu ugariko dietak lagundu egin dezake hiperkolesterolemia agertzen eta garatzen, gantz mota horrek odoleko kolesterol-maila igotzen laguntzen baitu.
Odolean zirkulatzen duen oxigenoaren eraginez, lipoproteinak oxidatu egiten dira, eta arteriaren inguruan garraiatzen duten kolesterola metatzeko joera dute. Hala, arteriosklerosia eta bihotzeko infartuak izateko arriskua areagotzen da.
