Diabetes mellitus

A dieta non pode curar a diabetes, pero si controlala mellor e por iso o tratamento dietético deberá levar a cabo durante toda a vida. Debe ser individualizada; en función das características de cada persoa, o seu estilo de vida, tratamento específico (insulina ou fármacos), etc. 

En xeral, os puntos máis importantes a ter en conta son os seguintes:

• Dieta individualizada, variada e equilibrada.
• Fraccionada en 5 ou 6 tomas ao día (menor volume de alimento por toma, mellor control).
• En concordancia co tratamento con insulina ou coa toma de antidiabéticos orais e coa práctica de exercicio físico.
• Rica en fibra (verduras, legumes, froitos secos, cereais integrais e froita nas cantidades axeitadas a cada caso).
• Pobre en graxas saturadas e colesterol (moderar o consumo de lácteos completos e os moi graxos, carnes graxas, ovos e os seus derivados, charcutería, vísceras...), como prevención a longo prazo de enfermidades cardiovasculares.
• Controlada en alimentos que conteñen hidratos de carbono simples (azucre, mel, marmelada, zume e froita, bebidas azucaradas, lambetadas, chocolate e derivados...) e complexos (cereais, patacas, legumes).
• Recoméndase substituír o azucre ou elaborar receitas caseiras con edulcorantes non nutritivos talles como a sacarina, o ciclamato, o aspartame e o sorbitol, xa que ademais de que non aumentan os niveis de azucre no sangue, non achegan calorías, o que é beneficioso para quen teñen sobrepeso ou obesidade.