Hipertriglizeridemia (triglizerido ugari)

Hipertriglizeridemiaren ezaugarri nagusia da plasmako triglizeridoak 200 miligramotik gora igotzen direla odoleko dezilitro bakoitzeko. Triglizeridoak elikagai jakin batzuk janez hestean sortzen diren lipido mota bat dira (gantz-produktuak, gantz mota edozein dela ere -saturatua edo insaturatua-, elikagai azukretsuak eta alkohola); hala ere, organismoak berak sintetizatzen ditu gibelean. Dirudienez, patologia hori ez da arterosklerosia izateko arrisku-faktore garrantzitsua, 50 urtetik aurrera izan ezik, orduan jo behar baita triglizerido handien intzidentzia arrisku-faktore nagusitzat.

Jatorria genetikoa izan daiteke, eta horrek familia bereko hainbat kideri eragingo die, edo osasunarentzat kaltegarriak diren elikadura- eta bizi-ohiturek eraginda. Sarritan, beste egoera batzuen ondorioz agertzen dira, hala nola obesitatearen, diabetesaren eta HDL (kolesterol ona) maila baxuagoen ondorioz.