Gastritisa

GASTRITISA URDAILEKO MUKOSAREN HANTURA DA. Akutua izan daiteke, azkar ager daiteke eta egun gutxiren buruan desagertzen da, edo kronikoa; kasu horretan, urteetan iraun dezake eta ultzera peptikoa eragin. Kronika akutua baino zailagoa da diagnostikatzea, eta bi aldaera bereizi behar dira: batetik, azido gastrikoaren jario handiagotuarekin lotzen dena, eta, bestetik, urdaileko jario azido txikiarekin gertatzen dena, zeinean ez baita antiazidorik ematen. Askotan, helycobacter pylori bakterioak eragindako infekzio batek eragiten du. Beste arrazoi batzuen artean, alkohol gehiegi edatea eta dieta arloko beste arau hauste batzuk (otordu oparoak, gozagarri sendo eta narritagarrien gehiegizko erabilera), elikagai jatorriko intoxikazioak, tabakoa, estresa, zenbait medikamenturen (antiflamatorioak eta antirreumatikoak) erabilera luzea edo aspirina gehiegi hartzea daude.

Sintoma nagusiak hauek dira: urdailaren ahoko sentsazio sutsua, bularreraino irits daitekeena; azidotasuna; goragaleak; batzuetan, gorakoak; eta flatulentzia (ikus meteorismoari edo flatulentziari buruzko kapitulua). Bizimodu osasungarriak eta elikadura-ohitura egokiek gaitz hori prebeni dezakete, eta, halakorik izanez gero, sintomak hobetu eta berriz ez gaixotzeko neurriak har ditzakete.