Hiato-etena

Hestegorria urdailarekin komunikatzen duen irekidura muskulu batzuek kontrolatzen dute. Horiek ahultzen badira, urdaileko azidoak hestegorrirantz joan daitezke eta hantura eragin dezakete, edo baita sabelaldean horren zati bat sartzea ere, hiato-etena eraginez.

Pertsona batzuek ez dakite asaldu hori dutela, eta beste batzuek, berriz, intentsitate handiagoz jasaten dituzte sintomak. Bereizgarriena bularrean eta eztarrian agertzen den min-sentsazioa da, eta areagotu egiten da otordu oparoen ondoren, etzanda edo makurtuta egotean edo sabelaldeko presioa areagotzean.

Gaitz hori eragin dezaketen kausarik ohikoenak sabelaldeko presioa areagotzearekin lotuta daude: eztul bortitzak edo aldi luzeetan behin eta berriz botaka egitea, haurdunaldia, esfortzu handiak, gehiegizko pisua eta obesitatea. Elikadurak trastorno hori agertzeko arriskua prebenitu edo murriztu dezake (batez ere gehiegizko pisua edo obesitatea dagoenean), edo lehendik ezarritako hiato-herniaren molestiak murrizten lagundu dezake, medikuaren aginduz tratamendu farmakologiko egoki batekin batera.