Arrainari alergia izatea

ALERGIA ORGANISMOAK SUBSTANTZIA (alergeno) BATEN AURREAN DUEN ERREAKZIO EDO ERANTZUN DESEGOKIA DA. Elikagaiekiko alergian, alergenoa, nagusiki, elikagai baten proteina bat da, eta harekin kontaktuan jartzen gara irentsiz, ukituz edo arnastuz gero.

Itsaskiekin batera, arraina da alergia gehien eragiten dituen elikagaia. Bere proteinek, deskonposatzean sortzen den histaminak (ahalmen antigeniko handiko proteina) eta anisakis parasitoak erreakzio alergikoak eragin ditzakete. Anisakis simplex 2 zentimetro inguruko luzera duen parasitoa da, eta haren larbak espezie askoren digestio-bidean bizi dira, hala nola legatzaren, atunaren, bakailaoaren, zefalopodoen (olagarroa, txokoa eta txibia) eta krustazeoen (otarrainak, karramarroak) digestio-bidean. Parasito hori gizakian sartzen da arrain gordina, gazitua, ketua, eskabetxean, marinatua edo gutxi kozinatua irenstean, eta erreakzio alergikoa eragin dezake pertsona sentikorretan, batzuetan larria.

Gainera, kontuan izan behar da arrainari alergia dioten pertsonek erreakzioak izan ditzaketela beste elikagai batzuk jan ondoren, hala nola animalien haragia (txerrikia, oiloa, etab.) arrain-irinez elikatuak.

Hauek dira sintomarik ohikoenak: erupzioa, larruazaleko azkura eta arnasteko zailtasuna. Dermatitis atopikoa eta asma duten haurrek okerrera egin ohi dute arraina jaten dutenean.