Kaseinarekiko alergia

Elikagaiek, kasu jakin batzuetan, kontrako erreakzioak eragin ditzakete, eta horrek kalte egiten dio elikagaia daukan pertsonaren osasunari. Kaseinari alergia izanez gero, erreakzio immunologikoa gertatzen da.

Elikagaiekiko alergiaren aurrean jarraitu beharreko jokabidea honako hau da: lehenik eta behin, segurtasun-diagnostikoa egin behar da, historia kliniko xehe eta zuzendu baten bidez eta proba diagnostikoak eginez (larruazaleko probak, laborategikoak eta probokaziokoak edo baztertze-dietak). Oinarrizko tratamenduan, saihestu egiten da erantzun alergikoa eragiten duen elikagaia, eta kontuan hartzen da, gainera, beste substantzia batzuekin erreakzio gurutzatuak izateko aukera. Erreakzio alergiko batean agertzen diren sintomen tratamendua koadro bakoitzaren ezaugarrien araberakoa da.

Behi-esnearen proteinekiko alergiaren garrantzia haurtzaroan agertzen den maiztasunean datza. Alergologia eta Immunologia Klinikoaren Espainiako Elkartearen datuen arabera, kasuen %45 urtea bete aurretik agertzen dira, %75 bi urte bete aurretik eta %90 bost urte bete aurretik. Ez da ezohikoa bizitzako lehen hilabetean agertzea, batzuetan esne egokituaren formula bat sartu eta aste batzuetara. Sintomak larruazalekoak izan daitezke (kasuen % 50-70 inguru), eta dermatitis atopikoa esaten zaion koadroa da nagusi. Kasuen % 50ek/ber-menu-gomendatua-0 sintoma gastrointestinalak dituzte, eta % 20-30ek, arnas sintomak. Askotan, sintoma horietako batzuk batera agertzen dira.

Aurkezten duten koadro klinikoa larria izatera irits daiteke, eta zenbait bularreko haurren bat-bateko heriotza elikagai horrek eragindako erreakzio anafilaktiko batekin korrelazionatzera iritsi dira.

Oro har, alergia-mota hori iragankorra da, eta pazienteen % 90ek onartzen dute esnea diagnostikoa egin eta elikagai horretatik libre dagoen dieta egin baino bi urte lehenago. Hala ere, kasu batzuetan iraun dezake, batez ere sentsibilizazioa kaseinaren ondorio denean. Elikagaia onartzen den egiaztatzeko, aldian behin kontrolak egin behar dituzte profesional espezialistek, eta, ahal dela, ospitalean bertan, erreakzio larriak eragiteko arriskua baitago.