Zistitisa

Zistitisa bi aste barru sendatu daitekeen gaixotasuna da, tratamenduarekin. Emakumezkoen gernu-sistemaren anatomia dela eta, gernu-maskuria labur eta zuzen komunikatzeko bide bat duenez, ohikoagoa da emakumeen artean, nahiz eta uretraren asaldurak ere faktore garrantzitsua izan.

Hauek dira sintomarik bereizgarrienak: pixa egitean erretzea; askotan pixa egitean pixa gutxi egitea; pixa egiteko beharra handitzea; usain txarreko gernua; maskuriaren gainetik sabeleko mina izatea; bizkarraren behealdeko mina; sukar arina; sexu-egintzan mina izatea; eta gernu-inkontinentzia edo kontrolik eza.

Gomendagarria da ur bainu gazi edo burbuiladunetan esertzea, alkohol gehiegi ez kontsumitzea, galtzak oso estututa ez izatea eta estresa saihestea. Medikuek beste aholku hauek ere ematen dituzte: bidetean garbitu ordez dutxatzea, egunean gutxienez 8 baso ur edatea, emakumearen kasuan goiko edo alboko posizioak erabiltzea sexu-egintzan eta lubrifikatzailea erabiltzea, kaka egin ondoren uzki-eremuak garbitzea (beti aurrera eta atzera) eta gernuari ez eustea.

Zistitisa desagertzen ez bada, espezialistarengana joatea komeni da, eta hark egingo ditu gernu-analisiak, bakterio-hazkuntzak, zistiskopia eta ultrasoinuak, eta, hala badagokio, honako hauek agindu ahal izango ditu: infekziorako antibiotiko selektiboak, mina saihesteko antiespasmodikoak, gernu-analgesikoak.

Garrantzitsua da tratamenduei jarraitzea, infekzioa ez dadin zabaldu zirkulazio-korrontearen bidez beste organo batzuetara, edo gernuaren bidez giltzurrunetara.

Azpiko alterazio anatomiko bat edo libratu osteko higiene desegoki bat dagoenean (ez garbitzea edo atzetik aurrera egitea), errepikapenezko zistitisa gerta daiteke, eta medikuak antibiotikoekin tratatu beharko du denboraldi luzeetan.