Beherakoa

Elikagai gomendatuak

• Esnea eta esnekiak. Fase akutuan, denak kendu.
• Haragiak, arraina, arrautzak eta deribatuak. Azalik gabeko oilasko egosia, gantz gutxirekin prestatutako arrain zuria, olio gutxirekin egindako tortillak edo uretan pasatutako arrautza, oilasko- edo indioilar-fianbrea.
• Zerealak eta patatak. Pasta fina zoparako, semolarako, tapiokarako, arrozerako eta patata egosietarako, ogi xigortua edo bezperakoa.
• Lekaleak. Zuntz-edukieragatik, bat ere ez.
• Barazkiak. Egositako azenarioa bakarrik, lehorgarria delako.
• Frutak. Sagar birrindua bakarrik, oxidatu samarra, banana heldua, irasagarra, sagar- edo udare-konpotak azukrerik gabe eta sagarra labean, azalik eta azukrerik gabe.
• Ahoko seruma, salda koipegabetu kontzentratu gabeak, infusio leunak eta zuku natural iragazi diluituak, ez azidoak, ez azukredunak, edari isotonikoak.
• Koipeak, mugatuak guztiak (gorozkiak hesteetan zehar azkarrago pasatzen dira).

Baimendutako elikagaiak (neurrian eta noizean behin jatekoak)

• Esnea eta esnekiak. Sintomak hobetu ahala, jogurt naturalarekin edo bioarekin probatu.
• Haragiaren deribatuak. York urdaiazpiko giharra.
• Zerealak. Maria motako galletak.

Elikagai mugatuak (noizean behin edo kantitate txikitan kontsumitu)

• Esnea eta esnekiak. Fase akutuan, denak. IV. fasean, elikadura normalera igaro aurretik, aztertu esnekiekiko tolerantzia; hasieran, jogurta, bio, gazta freskoa, bexamela eta, azkenik, esnea (gaingabetuak hobeto toleratzen dira).
• Haragiak, erdikoipetsuak eta koipetsuak, urdaitegikoak, hestebete koipetsuak, foie-grasa, pateak eta erraiak. Arrain urdina, arrautza frijitua eta arrautza gogortua.
• Zerealak, erdi-integralak eta integralak.
• Edariak, denak, "elikagai gomendatuak" atalean adierazten direnak izan ezik.