Gastritisa

Gastritisari dagokionez, ez erretzea eta neurriz elikatzea dira bi arau nagusiak. Urdaila gastroskopia bidez aztertu ondoren egin behar da diagnostikoa (digestio-aparatutik hodia sartzea). Hala, laginak hartzen dira aztertzeko, kasu horietan urdaileko minbizi bat baztertu behar baita.

Tratamenduak azidotasun-sintomak hobetzea lortuko du, kausa posibleak ezabatuz, baina urdaileko odoljarioa gertatzeko arriskua badago, ospitaleratu egin beharko da.

Kontuan izan behar da gastritisa izanez gero ez dela erabili behar salizilatorik (aspirina) edo beste antiinflamatoriorik, eta, ezinbestekoa bada, antiazidoak edo ultzeren aurkakoak erabili behar dira (betiere medikuaren kontrolpean). Molestia txikiak edo sukarra arintzeko lasaigarriren bat behar baduzu, parazetamola edo metamizola erabil dezakezu, edo ultzeren aurkakoak, medikuaren aginduz. Pazienteak urdaila kaltetzen duten sendagaiak saihestu behar ditu, eta urdaileko arazoak izan baditu, medikuari jakinarazi behar dio une oro. Zure historialean islatuta geratuko da, baina gogoratzea ez da alferrikakoa.