Anemia ferropenikoa (burdinarik eza)

Elikagai gomendatuak

• Esnea eta esnekiak: Esnea, jogurtak eta bestelako esne hartzituak, gantz edo gozotasun gehiegirik ez duten esnekiak (mamia, petit suisse), gaztak.
• Haragia, arraina, arrautzak eta deribatuak: Era guztietako haragiak (gantz gutxien dutenak, ahal dela) eta arrainak, gibela eta arrautza.
• Zerealak, patatak eta lekaleak: Denak, gainerako ataletan aipatutakoak izan ezik.
• Barazkiak: Denak, gainerako ataletan adierazitakoak izan ezik.
• Frutak: Zitrikoak eta C bitamina ugari duten beste batzuk, hala nola marrubiak, meloia, fruta tropikalak (anana, papaia, guaiaba, mangoa), fruta lehortuak (pikuak, aranak eta datilak) eta fruitu lehorrak.
• Edariak: Denak, hurrengo apartatuetan aipatzen direnak izan ezik.
• Koipeak: Oliba- eta hazi-olioak (ekilorea, artoa, soja), gurina edo margarina begetala.
• Beste produktu batzuk: Zereal edo lekale hozituak (garia, alpapa, soja).

Baimendutako elikagaiak (neurrian eta noizean behin jatekoak)

• Esnea eta esnekiak: Esneki kalorikoagoak (flanak, natillak, arroz-esnea).
• Haragia eta haren eratorriak: Haragikiak (saltxitxak eta hanburgesa komertzialak), hestebeteak eta haragi erdi-gantzatsuak.
• Zerealak, patatak eta lekaleak: Maria motako gailetak, opil sinpleak (Suitzako opila, soletilla bizkotxoak eta Genova motako gosarikoak).
• Barazkiak: Landare-kontserbak.
• Edariak: Kafea, tea, kola motako edari freskagarriak, graduazio baxuko edari alkoholdunak (ohituraren arabera).
• Beste produktu batzuk: Txokolatea eta hori duten produktuak, gozokiak eta fast-food delakoa.

Elikagai mugatuak (noizean behin edo kantitate txikitan kontsumitu)

• Esnea eta esnekiak: Esne kondentsatua, esne-gainarekin edo txokolatearekin aberastutako esnekiak, gazta koipetsuak.
• Haragiak eta deribatuak: Haragi oso koipetsuak, erraiak (gibela izan ezik), urdaitegia.
• Zerealak: Ohiko opilak, pastelgintzako eta gozogintzako produktuak.
• Edariak: Edari alkoholdunak.
• Koipeak: Esne-gaina, gantza, urdaia, gantzak.