Arteria-hipertentsioa

Bihotzaren Espainiako Fundazioak jakinarazi duenez, Espainian, gure inguruko beste herrialde batzuetan bezala, gaixotasun kardiobaskularrak dira heriotza-kausa nagusia, eta, aldi berean, ohartarazi du gaixotasun horien ehuneko handi bat saihestu daitekeela behar bezala diagnostikatzen eta tratatzen badira. Horien artean hipertentsioa dago, gaitz isila ere esaten zaiona, sintomarik ez duelako eta diagnostikoa eta tratamendua atzeratzeak sistema kardiobaskularrean ondorio garrantzitsuak dituelako. Prebentzio-metodo gisa, Fundazioak gomendatzen du gatz gutxiago kontsumitzea, tabakoa, alkohola eta kafeina duten produktuak saihestea eta ariketa fisikoa egitea. Diagnostikoa egin ondoren, medikazioa hartu behar da lehenik, medikuak agindutakoari jarraituz. Bigarrenik, adierazten da medikuari jakinarazi beharko diola farmakoaren albo-ondorio oro edo hark eragindako edozein molestia. Eta, hirugarrenik, presio arteriala erregularki kontrolatzea.

Tratamenduan zehar, trikimailu batzuk oso baliagarriak dira ahazte horiek saihesteko; adibidez, medikazioa beti gosariarekin hartzea, edo egunero ordu berean egiten duzun beste jarduera batekin lotuta. Tratamendua ez da utzi behar, ondo dagoelako; izan ere, medikazioa hartzen hasi zinenean baino gehiago igo daiteke presioa, eta horrek arriskuak dakartza. Azkenik, ez da hasi behar beste botikarik hartzen (artritiserako, adibidez) medikuari kontsultatu gabe, botika batzuek hipertentsiorako hartzen ari direnen eragina baliogabetu baitezakete.